لقاء الخميسي: الحجاب حتة قماشة على الصدر.. والنقاب غير مذكور في القرآن| فيديو

أثارت الفنانة لقاء الخميسي الجدل، بتصريحاتها عن ديانتها والحجاب، وذلك خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب.

وقالت لقاء الخميسي: إحنا بنورث دينا، حد مبيورثش الدين من الأب، أنا مصرية بالوراثة ومسملة بالوراثة، وأخدت دين أبويا، ولم اسئل أنا عايزة أبقى إيه، هل ده لي علاقة من أني مصرية، هل دا تقليل من ديني؟!، أنا واضحة بشكل كافي ومش مجبرة أقول حاجة ليها معنى تاني، إحنا واخدين دينا بالوراثة.

لقاء الخميسي: الحجاب حتة قماشة على الصدر

وتابعت : كان ممكن اصحى من نومي الآقي أبويا مسيحي وأبقا مسيحيلة، أنا مخترتش الناس بتعاقبني ليه؟، لو ليا جار مسيحي أنا مبحبوش بعقابه ليه؟، هو ماله هو صحي لقى أبوه مسيحي المفروض ينتحر أو أموته مثلا؟!، المسلميين والمسيحيين بالوراثة، أنا أنتيم عمري مسيحي، هل معناها أني أنا مسلم والمسيحين وحشين.

وأضافت: النقاب غير مذكور في القرآن، وعمري ما قلت إنه مُبتدع، وربنا قال “وليضربن بخمرهن على جيوبهن”، هي حتة قماشة على الصدر.

واسترسلت: في 3 أصحابي فقط في حياتي، عرفتهم قبل محمد عبد المنصف، هم إيهاب العدلي ده كان بيلبسني من وأنا لسة في المعهد، وجرجس مهندس ديكور وكان معايا في المعهد، وأدهم انتيمي سوري، وحاليا كل واحد مننا في حتة.