شوبير: «الهبد والإشاعات بقوا على الأهلي كتير»

علق لاعب الأهلي السابق والإعلامي الحالي أحمد شوبير، على الأخبار المتداولة بشأن الأزمات والمشاكل والمشادات التي تحدث داخل القلعة الحمراء، خلال الأيام الماضية

أحمد شوبير

الإشاعات والهبد بقوا على الأهلي

وقال شوبير في تصريحات إذاعية اليوم الأربعاء: «الإشاعات والهبد والرزع بقوا كثير جدا حوالين الأهلي مرة خناقة محمد الشناوي وإمام عاشور وشوية كهربا ويطلع خالد بيبو ينفي يقوموا يقولوا لك ما نفاش ليه خناقة الشناوي وعاشور».

وتابع أحمد شوبير: «هو أحنا كنا عايشين ازاي يا جماعة قبل السوشيال ميديا كنا عايشين في ظلام تام يعني ولا ايه، لأ والكل بيجتهد إنه يهبد لك خبر.. يعني طول عمرنا نسمع إن فيه مقاولين هد وفيه كمان دلوقتي أخصائي هبد».

أحمد شوبير

الهبيده بقوا من الدرجة الأولى

وأوضح شوبير: «الهبد ده زي الهدد وبقوا متخصصين فيه تخصص هبد من الدرجة الأولى وده لسه سنة أولى هبد وده واخد دكتورة في الهبد كده يعني.. وبيعملوا صفحات والصفحات بتكبر وحاجة صعبة جدا».

وأضاف شوبير: «عارفين الهبيدة دول لو وظفوا ده بالعكس يعني لو اللي بيقول الكلام ده تعب نفسه شوية عشان يجيب صحة الخبر الموضوع هيختلف تماما، وعموما من أمن العقاب أساء الأدب، وتزود عليها: (وتفوق في الهبد).. عموما أهو كله هبد والسلام».