بالفيديو.. محمد ثروت عن رحلة علاج نجله:"ربنا كرمه كبير .. ومفيش أغلى من الضنا"

كشف الفنان محمد ثروت عن فرحته بشفاء نجله، قائلا:"ابني ومفيش اغلى من الضنا كنت هتجنن ومش عارف اتصرف أزاي".

تفاصيل رحلة علاج نجل محمد ثروت

وقال محمد ثروت، خلال لقائه بـ et بالعربي، :"فجأة وبدون مقدمات وبين يوم وليلة لقيت ابني مش قادر يتحرك خالص، والحمد لله ربنا كرمه كبير عليا وبفضل دعوات الناس ابني بدء يتحرك".

وتابع:"حسيت أن الفترة كانت 240 سنة مش يوم بس، الوضع كان صعب لأن الحالة كانت مفاجئة ومش أي حد يقدر يشخصها".

رد نجل محمد ثروت

ظهر أحمد ثروت لأول مرة بعد استعادة صحته، في فيديو متداول على السوشيال ميديا، وهو يحاول أن يتحرك بسهولة بعد اللجوء لعلاج بمساعدة فريق طبي في ألمانيا.

وعلق أحمد ثروت، :" الحمد لله كرم من ربنا وبفضل دعواتكم النهاردة بعد 160 يومًا صراع مع متلازمة ميلر فيشر أول يوم أنجح انى أقف تانى على رجلى بعد مئات المحاولات".

واستكمل:" حابب أشكر كل واحد دعا لى من قلبه وكل أصحابى وأهلى اللى كان حبهم ليا من أسباب إنى أقف تانى على رجلى بعد ستر وتوفيق ربنا".

وعن فترة علاجه، أكد نجل ثروت:" اتعلمت كتير من اختبار ربنا ليا.. اتعلمت الرضا والحمد على كل حال وإن ستر ربنا علينا فوق كل شيء" وأكمل: "عادى ممكن ابتدى تانى كل حاجة من الأول وإن لسه فى أمل طول ما فى حياة".

وأضاف:"اول ما حسيت بتعب ربنا الهمني اني اصور كل اللحظات اللي بمر بيها، وفعلا الحمد لله قدرت اعمل ده ومن أول يوم كمان، ومبسوط اني أكون سبب في اكتشاف مرض نادر وتوعية الناس به".