رسالة مؤثرة من نجل الفنان أشرف مصيلحي يرثي فيها والده.. "كان نفسي تشوف حب الناس"

وجه يوسف، نجل الفنان الراحل أشرف مصيلحي، رسالة لوالده بعد وفاته بساعات، معبرا فيها عن اشتياقه الكبير لوالده.

ونشر يوسف، صورة تجمعه مع والده، :"الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا".

منشور نجل الراحل أشرف مصيلحي

وتابع:"تشوف الناس كلها بتقول عليك ايه، من أصغر واحد لحد أكبر واحد، وانا فعلا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أب أب وابنه وده عشان احنا كنا صحاب وكنت بتفهمني وعارف دماغي".

نجل أشرف مصيلحي ووالده

واستكمل:" أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك".

وأوضح نحل مصيلحي:" أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله".أوأو

يذكر أن الفنان أشرف مصيلحي رحل عن عالمنا، الأحد الماضي، بعد صراع مع السرطان لمدة 3 سنوات.