"قالي اقلعي هدومك".. رباب ممتاز تفتح النار على محمد السبكي| فيديو

هاجمت الفنانة رباب ممتاز، المخرج محمد السبكي، حيث قالت إنها تعرضت لموقف محرج معه خلال تواجدها في لوكيشن العمل.

وقالت رباب، خلال لقائها بقناة "ألفا اليوم" :"السبكي قال الفاظ مش كويسة في اللوكيشن، وكنت بستعد اعمل بروفة وبلبس عباية زي ما المخرج قالي".

View this post on Instagram

A post shared by Aadet Settat - قعدة ستات (@aadetsettat)

واستكمل:"اتفاجئت بدخول المنتج محمد السبكي بيقول للموجودين في اللوكيشين دي لابسه مقفول لا دي تقلع هدومها وقال الفاظ غير لائقة بعدها، وطلب مني اغير العباية والبس حاجة عريانه اكتر وفيها إغراء".

وتابعت:"روحت اشتكي للمنتج لقيته موافق على كلام السبكي، وطلب مني اغير هدومي، روحت سبت مكان التصوير ومشيت خالص، ووقتها جابوا بنت تانية مكاني".

وأشارت رباب إلى أن الفنان باسم سمرة وفريق الإخراج، طلبوا مني تقديم وجهات النظر بيني وبين السبكي والمنتج، رفضت وصممت اني اسيب العمل كله".

وعن رأيها في عودة الفنانة حلا شيحة للفن، علقت رباب ممتاز، :" أنا ضد الفنانة حلا شيحة، وضد أي شخص يقول إن الفن حرام، ولو هى رجعت تشتغل تاني بالتمثيل فالفن فعلاً حرام، وده علشان إحنا مش لعبة في إيدها تحركها زي ما هى عاوزه".

وأشارت إلى أن حلا شيحة سافرت برة مصر ولبست النقاب، وفي بنات لبسوا النقاب زيها، دلوقتي جايه ترجع تمثل وتكسر بخاطر البنات اللي قلدوها".

واستنكرت رباب عودة حلا للتمثيل:" وحتى لو إعتذرت مش هينفع خالص، وده علشان هى بتتكلم عن كارثة وكانت بتتكلم عننا كلنا، وكلامها خلى الجمهور والناس تقول علينا إننا مش كويسين وهندخل النار، ورأيي إن أي فنانة محجبة سابت الفن ورجعت تاني المفروض تمشي وتسيبه، وده علشان المفروض نقابل الفن بكل حاجة فيه.. يإما نبعد من الأول ونشوف شغلانة تانية خالص".