"فينك بقالك مدة مبتشتمنيش".. سر مكالمة عادل إمام لـ طارق الشناوي

روى الناقد الفني، طارق الشناوي، تفاصيل موقف جمعه بالفنان عادل إمام، قائلا:"في مرة اتصل عليا وقالي فينك مبتشتمنيش ليه".

مكالمة طريفة بين الشناوي وعادل إمام

وأضاف الشناوي، خلال لقائه على قناة "هي":" في مرة لقيت عادل إمام بيتصل بيا، برفع السماعة لقيته بيقولي فينك، قولتله موجود لسه راجع من كهرجان فينيسيا، قالي أه أنا قولت برضو بقالك مدة مبتشتمنيش، أخدها بهزار" وتابع موضحا يقصد انتقادي ليه".

وتابع:"المكالمة دي كانت في 2009، وقتها كان عادل إمام مقدم أخر عمل ليه، وكان بيهزر معايا، لاني مكتبتش عنه فترة طويلة، واحسن حاجة فيه كانت انه بيتقبل النقد بصدر رحب".

أزمة الشناوي ومصطفى قمر

يذكر أن الفترة الأخيرة شهدت الساحة الفنية، ازمة خلاف بين الناقد طارق الشناوي، والفنان مصطفى قمر، حيث قام الأخيرة بتوجيه النقد لفيلم أولاد حريم كريم.

فيلم أولاد حريم كريم

وقال الشناوي عن مصطفى قمر:" فيلم أولاد حريم كريم من أسوأ الأفلام التي عرضت هذا الموسم، مشيرا إلى أن المخرج علي أدريس قدم عملا ليس له علاقة بالسينما، ومصطفى قمر بطل العمل لا يزال يعيش في زمن السينما القديمة ومش شايف أي تطورات".

طارق الشناوي ومصطفى قمر

رد مصطفى قمر على الشناوي

ورد مصطفى قمر وقتها على الشناوي، :" هو أنا مش طلبت منك تبعد عني وماتتكلمش عني، أنت اللي جبته، للمرة المليون أنن ماشفتش الفيلم، وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق أو مصلحة أي حد تاني".