طارق الشناوي.. مهاجم الرموز و"مصطفى قمر" مش أول ضحاياه

تصدر اسم الناقد الفني، طارق الشناوي، تريند السوشيال ميديا الفترة الأخيرة، وذلك بعد هجومه على الفنان مصطفى قمر وتصريحاته عن فيلم أولاد حريم كريم.

طارق الشناوي: فيلم أولاد حريم كريم أسوأ الأفلام

هاجم الشناوي الفنان مصطفى قمر، وقال:"فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم".

مصطفى قمر للشناوي: قولتلك ابعد عني

ورد مصطفى قمر على هجوم الشناوي، :"هو انا مش طلبت منك تبعد عني اصلا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي حد تاني (فكرني كدة شغلتك ايه….؟…. هي من اريع حروف بيتهيألي".

وقال مصطفى قمر، :"الشناوي اتعود مهاجمة أكبر وأهم الرموز في كل المجالات، زي الشيخ محمد متولي الشعراوي، والنجم محمد منير، والزعيم عادل إمام وغيرهم ممن كانوا هدفًا لانتقاداته على مر السنين واي حد بيدافع عن الشناوي بيتبع أساليبه اللي ملهاش علاقة بالنقد الفني".

وكان مصطفي قمر قبل عرض الفيلم اتكلم عن حماس طاقم العمل للعمل الجزء التاني من فيلم حريم كريم بعد اكتر من 10 سنين علي عرضه في السينمات.

وقال مصطفي عن الفيلم، :"الجمهور عنده فضول، وعايز يشوف فيلم أولاد حريم كريم، عايزين يعرفوا إيه اللي حصل والأبطال والناس دي عملوا إيه، ويا ترى الجزء ده أحلى ولا الجزء الأول".

وعن عدم مشاركة بعض أبطال الجزء الأول في الفيلم زي الفنان ياسمين عبدالعزيز، أوضح مصطفى قمر أن المؤلفة زينب عزيز كاتبة الجزء التاني دراميًا بشكل معين، هي كاتباه إنه يكون أرمل، عشان عايزة تخلق قصص حب جديدة عنده، وعايزين نشوف كريم بأحاسيس مختلفة، ولما كبر بقى بيشوف المرأة بشكل مختلف .