محمد التاجي ينصح الشباب: متتجوزوش ولو انحرفتوا ربنا هيغفرلكم |خاص

وجه الفنان القدير محمد التاجي نصيحة للشباب بعدم الزواج خلال الفترة الحالية، مشيرًا إلى أن قوانين المرأة في الوقت الحالي لا ترحم أحد، بسبب ما يحدث من حالات انفصال وخلافات بين الرجل والمرأة.

وقال التاجي في تصريح خاص لـ"بصراحة": بقول للشباب متتجوزوش ربك رحيم غفور ربنا هيغفرلك حتى لو العيال انحرفوا وعملوا قلة أدب ربنا هيغفر ليهم.

وأضاف: قوانين المرأة اليومين دول مش بتغفر لحد وعلى طول في السجن يعني أي كلمة أي حركة بيتحبسوا فعلى إيه خليك قاعد في بيتكم وأي حركة ربنا هيغفرلك ربك عالم وعارف بحالك.

تكريم محمد التاجي

وعن تكريمه من مهرجان همسة للأدب والفنون، قال التاجي: بقولهم متشكرين جدا شكرا على التكريم والاستفتاء اللي عملتوه أسعدني أيما سعادة، وبقول للفنانة سهير المرشدي وحشتينا، وعملت معاها أريد رجلًا وكنا طالعين أخوات وكنت سعيد بالعمل معاها.

اعتزال الفنان محمد التاجي

وكان قد كشف الفنان التاجي في تصريحات تلفزيونية سابقة عن اعتزاله الفن بشكل نهائي، بسبب عدم وجود أصدقاء له في الجيل الحالي، وعدم وجود احترام متبادل بين بعض الفنانين، قائلًا: حاجات بتحصل جوا العملية الإنتاجية، لما منتج بيتفق معايا على عمل، المسألة بعد كده بيقى فيها بقالة، بنقعد نفاصل كتير.

وتابع: ماليش شلة كل الناس حبايبي وبشتغل معاهم بقلبي، وشلتي أحفادي.