من أسوأ الأفلام.. طارق الشناوي يهاجم مصطفى قمر بسبب أولاد حريم كريم 2

هاجم الناقد الفني طارق الشناوي، عرض جزء ثاني من فيلم أولاد حريم كريم، مشيرًا إلى أن مصطفى قمر فشل والعمل من أسوأ الأعمال في صيف 2023.

وقال طارق الشناوي خلال لقائه مع “et بالعربي”: فيلم أولاد حريم كريم من أسوأ الأعمال الفنية على الرغم من أن مخرجه علي إدريس مخرج مهم وزينب عزيز كاتبة مهمة ولكن اللى عملوه ملهوش علاقة بالجزء الأول، ولا فين السينما اللي بنعيشه دلوقتي وتراجع لزمن ما قبل الجزء الأول، مشكلة مصطفى قمر أنه عايش على الزمن القديم.

وأضاف: المطرب بيتعمل له أفلام ازاي نرجع لأم كلثوم لما بتنجح بيتعملها فيلم، وعبد الحليم حافظ لما عمل أغنية على قد الشوق فاتعمله فيلم مع شادية لإنه كان ناجح كمطرب، ولما بتفشل كمطرب مش هتصعدك السينما والسينما بتروح للبريق مش هي اللي بتعطيك بريق، مصطفى قمر في عز فشله كمطرب قرر أنه يعمل الفيلم واللى اشتغل معاه الجزء الثاني الحريم اللى مش مطلوبين أوي في السينما.

أولاد حريم كريم 2

فيلم "أولاد حريم كريم" بطولة "مصطفى قمر، داليا البحيري، بسمة، علا غانم، خالد سرحان، ومع نجوم "أولاد حريم كريم" عمرو عبد الجليل وبشري، بالإضافة إلى مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم، وتأليف زينب عزيز واخراج علي إدريس، ومن إنتاج شركة انتلجنت (iproductions) وتوزيع خارجي روتانا.