تامر أمين يهاجم أحمد سعد بعد طلاقه علياء بسيوني: خناقاتك الزوجية أكتر من أغنياتك

علق الإعلامي تامر أمين على إعلان علياء بسيوني زوجة الفنان أحمد سعد طلاقها منه رسميًا عبر استوري حسابها على موقع «انستجرام».

وانتقد أمين خلال تقديمه لبرنامج «آخر النهار»، عبر فضائية «النهار»، مساء الثلاثاء، أحمد سعد قائلًا: «إيه آخرتها معاك، وبعدين معاك يا أحمد، أحمد سعد طلق للمرة الرابعة، وخناقات أحمد سعد الزوجية أكتر من أغنياته، يعني ما بين أغنية وأغنية في يا جواز يا طلاق يا خناقة».

وأضاف: «عايز أحمد سعد يهدى شوية في موضوع الجوازات والطلاقات، واحدة واحدة، إنت لسه صغير وفرمت أربعة، هي فورة، بالراحة اهدي شوية، خصوصًا إني توقعت إنه هيحافظ على علياء بالذات، لأنها كانت وش الخير عليه أوي».

وتابع «أمين»: «من ساعة أحمد سعد ما اتجوز علياء، وهو يكح في أغنية تنجح، ربنا كان صارف له رزق إن كل أغنية يطلعها آخر سنتين تكسر الدنيا، فحد يبقى معاه واحدة وشها حلو كده ويطلقها».

طلاق علياء بسيوني

ومن جانب آخر أعلنت علياء بسيوني، زوجة الفنان أحمد سعد انفصالها عنه رسميا، من خلال منشور عبر صفحتها الخاصة على موقع الصور الشهير «إنستجرام».

وكتبت علياء بسيوني زوجة الفنان أحمد سعد عبر خاصية ستورى قائلة " الحمد الله على كل شئ ، تم الطلاق بيني وبين احمد من شوية بناء على رغبته .. حابة اشكر احمد جداً على اصله الغير طيب و معدنه السئ وحابة اقوله شكرا على قرارك اللحظي الغير موفق في خراب بيتنا وتدمير أسرتنا الجميلة الانا حقيقي تعبت فيها لوحدي تماماً و حاولت و عديت بمواقف مفيش حد في مكاني يقبلها عشان الاسرة دي و عشان المشوار الانا ابتديته ومكنتش حابة انه ينتهي .

وتابعت شكراً على توقيتك الجميل و انا قاعدة ببنتي ٣ ايام وانت مش عارف حاجة عشان مشغول الساحل و خروجاته وبعدها شغلك .

واختتمت اكبر شكر على المقلب اللي انا اخدته في العلاقة دي وكنت فاهمة ان ليها قيمة ببني وبضحي وبتنازل عشانها و انت طلعتها والا تسوى . ربنا معايا انا و بناتي في الجاي وينتقم منك ويديلك على اد كل حاجة حصلت .