أول ظهور بعد وفاة والدتها.. رضوى الشربيني تنهار على الهواء
![رضوى الشربيني رضوى الشربيني](https://media.besraha.com/2023/8/large/1/2/410.jpg)
انهارت الإعلامية رضوى الشربينى، على الهواء مباشرة ودخلت فى حالة بكاء حادة، فى أول ظهور لها بعد وفاة والدتها، التى رحلت مطلع مارس الماضى، متأثرة بإصابتها بفيروس كورونا، وذلك فى حلقات برنامجها "هى وبس" المذاع على قناة "سى بى سى" سفرة.
وقالت رضوى، خلال مقدمة البرنامج: كان عندى كابوس لمدة 50 يوم، مش قادرة ومش عاوزه أتكلم عن تفاصيله دلوقتى، أتكلم عليها لما اقدر أتكلم عليها هتكلم عليها، لكن إحنا كان لازم نطلع، لأن عندنا رسالة، والرسالة دى لازم نكملها، كمان كان لازم أطلع عشان أنا هى هى نفس الست اللى قعدت 5 سنين تقولكم إن مع العسر يسرا، وإن مهما حصل ومهما الواحد مر بحاجات مش كويسه، لكن ربنا موجود.
![](https://besraha.com/UserFiles/NewsInnerImages/2021/04/01/9870/1452099-2_20210401233937.jpg)
اقرأ أيضا: أول مرة يا أمي.. رسالة رضوى الشربيني لوالدتها في عيد الأم
وأضافت رضوى: "اختبار صعب، والحياة امتحان، كل واحد فينا عنده امتحان شكل، وكل واحد فينا بيمتحن قدر استطاعته، لكن أنا هى هى الست اللى كانت بتقولك هتعدى، وأنا كمان متأكدة إنها هتعدى، بالصبر والدعاء والصلاة هتعدى، وأنا طالعة النهاردة رغم إن كان عندى الاختيار إنى مطلعش وإنى استنا لحد بعد رمضان، بس أنا صممت إنى أطلع، عشان زى ما بشجعك أنا كمان بشجعنى".
![](https://besraha.com/UserFiles/NewsInnerImages/2021/04/01/9870/1404657-4_20210401233959.jpg)
وتابعت رضوى: "كم الدعوات الكتير لأمى وهى عايشة وهى ميتة، لو كنت عملت فلوس كتير أو بقيت ملكة الدنيا مكنش هيحصل، ناس كتير وقفت جنبى أهلى وأصحابى أشخاص ربنا سخرهم عشان يكونوا حزء من اليسر، إحنا بشر وكل واحد بيحصلوا حاجات لازم يصبر عليها ويستحملها حتى لو كان العقل مش مستوعبها والقلب مش مستحملها، لكن ربنا قال وبشر الصابرين، فإحنا لازم نقول الحمد لله ونصبر".
وتوفيت والدة الإعلامية رضوى الشربينى، يوم الثلاثاء الأول من شهر مارس الماضى، متأثرة بإصابتها بفيروس كورونا، بعد فترة صراع مع المرض.
اقرأ أيضا: راجعين.. موعد أول ظهور لرضوى الشربيني بعد غياب بسبب وفاة والدتها
![](https://besraha.com/UserFiles/NewsInnerImages/2021/04/01/9870/1526702-5_20210401234021.jpg)