تعرف على نصائح الفنانة انتصار للرجال في اللقاء الأول مع الحبيبة

وجهت الفنانة انتصار مجموعة من النصائح للرجال في لقائهم الأول مع الحبيبة، وذلك خلال حلقة برنامجها "من غير نفسنة" الذي تقدمه مع الفنانة بدرية طلبة ونوليا عبر شاشة قناة "هي".

وقالت الفنانة انتصار: "اللقاء الأول ده يا إما هنكمل مع بعض يا إما مش هنكمل القاعدة مش العلاقة وأوعوا تقابلوا بعض وتقولوا عشاء أو غداء وأنت إياك تعزمها على غداء أو عشاء لأ تقولوا هنشرب حاجة مع بعض علشان لو أنت قعدت معاها واتضايقت من حاجة زي مثلا نبرة صوتها تفاهتها أو ريحتها متبدسش في 6 ساعات لكن هتشرب حاجة في نص ساعة وتقولها هشوفك بقى وتليفونات ده لو أنت اتخنقت نتيجة غبائها وعينك مش طايقة تشوفها".

نصائح الفنانة انتصار

وأضافت موجهة رسالة للفتيات: "ولو هو اللي مش عاجب البنت ترفض أنها تتعشى وتشرب حاجة وتمشي ولو عجب البنت تقوله أنا عزماك على الغداء وتلزيق المحبين ده".وتابعت: "لو إنتي رغاية بطبعك وبتحبي تتكلمي في كل حاجة وسيرة أهلك مش لازم تعملي كل ده في أول أو تاني لقاء ومش لازم تحكي فركشتي مع مين قبل كده ومين اللي جه البيت واتقدم على فكرة هو مش جاي يعمل كشف هيئة الراجل لسه بيشوف روحك".