عفاف مصطفى تعلق على تصريحات مادلين طبر: عندها حق ومن حقنا نشوف الزعيم

علقت الفنانة عفاف مصطفى على تصريحات الفنانة مادلين طبر عن الزعيم عادل، وذلك خلال مداخلة هاتفية عبر برنامج تفاصيل، الذي تقدمه الإعلامية نهال طايل عبر فضائية صدى البلد 2.

تصريحات عفاف مصطفى

وقالت عفاف مصطفى: "لما لقيت مادلين طبر هي اللي فتحت الموضوع أنا اتجرأت وعملت كده، وهي عندها حق في الخطوة دي ومن حقنا نشوف الزعيم عادل إمام أنا مش بقحم نفسي عليه".

وأضافت: "في ناس كتير بتقابله وأنا عندي معلومات بتوصلني لحد البيت ومتأكدة منها مليون في المية.. اشمعنا أنا أو اللي من جيلي".

وتابعت: "أنا لو عاوزة أعمل تريند كنت ظهرت في برامج، لكن أنا عملت ده علشان أنكش رامي إمام مكنتش أتخيل إن البوست يوصل للمرحلة دي، في ناس بتتهمني إني بثير الجدل ورفضت أظهر في كتير من البرامج".

واختتمت عفاف مصطفى قائلة: "أنا بوجه رسالة لرامي إمام وبقول له عاوزة أشوف الأستاذ عادل إمام وأسلم عليه لأن ده هو الأب الروحي للوسط الفني".