محمد حماقي: شوفت صحابي بيرقصوا على الذكاء الاصطناعي ومش عارف ده بجد ولا لأ

علق الفنان محمد حماقي عن ظاهرة الذكاء الاصطناعي والتي انتشرت بشدة خلال الفترة الماضية، وذلك خلال المؤتمر الصحفي في مهرجان قرطاج.

وقال الفنان محمد حماقي: لازم نستخدم الذكاء الاصطناعي من غير ما نأذي حد ونقنن الذكاء الاصطناعي داخل الفن من غير ما نتعدى على حدود حد.

وأضاف: إحنا لسه سنة أولى ذكاء اصطناعي، وهو شيء هيتطور جدًا وأهم حاجة ميأذيش حد، أنا شوفت حاجات مرعبة لقيت ناس صحابي بيرقصوا على الذكاء الاصطناعي مبقتش عارف هل هو ده فعلا ولا مش هو.

مصطفى كامل: حماقي ودياب بيكلموني وأنا معنديش نفس أكتب

وكان قد كشف الفنان مصطفى كامل، سبب غيابه عن إنتاج الأعمال الفنية خلال السنوات الماضية، خاصة لما له من باع كبير في التأليف والغناء الموسيقي.

تصريحات مصطفى كامل

وأشار مصطفى كامل في تصريحات صحفية، إلى أن سبب غيابه عن إنتاج الأعمال الفنية خلال السنوات الماضية هو فقدان الشغف، قائلا: «محمد حماقي كان هنا بنشوف هنعمل إيه وعمرو دياب قعدنا واختارنا أغنيتين وعايزين نشتغل، ونصر محروس وحمادة هلال ومحمد فؤاد وإيهاب توفيق بيكلموني على طول أنا اللي معنديش نفس أكتب أغاني».

خلاف علي الحجار ومدحت صالح

وأضاف: « أنا بعمل تحديث لنفسي طول الوقت، جيل الشعراء افتقدوا حاجة أنا بعيشها دلوقتي يعني أنا في حفلاتي بحتك بالجمهور».

كما حرص مصطفى كامل على تفنيد سبب عدم تدخله في خلاف الفنان علي الحجار والفنان مدحت صالح، قائلا: أنا هقول لمين متعملش مش هينفع أضعف نفسي كرقابة وأقل من قيمة الرقابة ومن قيمة نفسي، وأنا أصلا مش مقتنع إني اتدخل في الخلاف ده، لأنه جهات الدولة هي اللي بتتحكم في ده وفي حاجة اسمها المحكمة الاقتصادية.