خدوا العفش والفلوس وخلعوا.. دانا حمدان وهدى الأتربي يتعرضن للنصب من شركة نقل للأثاث.. ويستغيثان: استولوا على العفش وبيماطلوا لأكثر من 4 شهور وتليفوناتهم مقفولة

تعرضت كل من الفنانتين هدى الأتربي ودانا حمدان للنصب من قبل أحد الشركات الخاصة بالأثاث والمفروشات.

ونشرت الفنانة دانا حمدان فيديو نشرته عبر حسابها الشخصي على موقع تبادل الصور والفيديوهات إنستجرام.

تعرض دانا حمدان للنصب

وقالت دانا حمدان : أنا اتنصب عليا، حد قالي حوليلي فلوس عشان المفروشات اللي أنا بشتريها، وخد الفلوس ومش راضي يرجعهالي تاني، أنا بقولكم الكلام دا عشان تاخدوا بالكم، متحولوش فلوس لحد، اشتروا حاجتكم من محلات معروفة.

وأضافت: جو حوليلي عربون وبعد كدا حاجتك هتوصلك متعملهوش، وأنا بتعرف أني غلطت في حق نفسي، مش المفروض واحدة في سني وبخبرتي في الحياة تغلط غلطة زي دي، الشخص دا مش راضي يرجعلي فلوسي بالرغم من أني طلبتها أكتر من مرة.

وتابعت: واه أنا مش هسكت، وهو بالنسباله أنا فنانة يعني فلوسي مش عارفة اوديها فين، وعمال يماطل وفيه لكنه تهديد معرفش يقصد بيها ايه، وعايزة اقوله حسبي الله ونعم الوكيل ويارب تتردلك في أعز ما عندك، ويارب يبتليك ببلاوي بعدد الفلوس اللي اخدتها مني.

تعرض هدى الأتربي للنصب

كما أعلنت الفنانة هدي الإتربي، عبر حسابها الشخصي بموقع تبادل الصور والفيديوهات “انستجرام”.

وكتبت هدى الإتربي: مساء الخير يا جماعة دول نصبوا عليا أنا تعاملت معاهم بياخدوا الفلوس والعفش على أساس أنهم معرض، والمفروض يسلموا الحاجة بقالهم أكتر من 4 شهور وكل مرة يديني معاد للتسليم ويقفل تليفونه.

وأضافت الإتربي: المكان بتاع المعرض اللي قال عليه طلع غلط، ومش كاتب مكان للمعرض بتاعه على الصفحة اللي بيتعامل منها، وكل الصور اللي عنده من صفحات تانية وأنا هاخد إجراء قانوني معاه ياريت أي حد يخلي بالو ودي الأرقام اللي بحاول اتواصل بيها واللي الصفحة بعتتهالي أنه ده صاحب المكان كلهم مقفولين.

وتابعت الفنانة: اكتشفت لما جبت البطاقة بتاعه صاحب المعرض أنه مش مهندس أصلا وأنا اتخذت ضده أجراء قانوني، وبدء يتفتح تحقيق فى الواقعة، ولما المحامي كلمة انكر انه أخدت منى فلوس.