وش الخير على المحل.. حلواني شهير يستعين بـ«تاجرة تين شوكي» لمساعدتها في إعالة أسرتها

استعان محل حلويات شهير بـ«عربة تين شوكي» بسيدة وقفت أمام المحل الخاص بهم، ودون ذلك عبر الصفحة الرسمية على موقع التواصل الاجتماعي «فيس بوك».

وقال المحل في منشوره: «دا مش إعلان بس لازم نقول إمبارح مدير المشتريات عندنا كان بيركن عربيته قدام المصنع و شاف واحده ست كبيره قد أمهاتنا كلنا واقفه بعربيه تين شوكي نزل وقف معاها وعرف منها أنها ست مُعيله لأسره و عندها أطفال وكانت بتشتكي من الحر طول اليوم و الوقفه و مناهده الناس فيها دا غير المضايقات اللي بتتعرض لها».

وأضاف: «جاتله فكره و عمل مكالمه لمدير الجوده ونزلنا فحصنا العربيه بالكامل وأتأكدنا أن كل حاجه تمام و اتفقنا إن يتم التعامل معاها بشكل دوري و كل يوم الصياد هياخد 75 % من إجمالي محتويات العربيه❤
وهندخله من ضمن خط انتاج ايس كريم التين الشوكي و بالسعر اللي هي تحدده ( رغم كانت رافضه بشكل قاطع أنها تحدد سعر) و بعد أنتهاء موسم التين الشوكي هتكون متواجده معانا بشكل دائم في المصنع وتشرفنا في قسم تقطيع الفاكهة».

واستكمل: «زي ما ذكرنا من الأول دا مش إعلان دي دعوه.. دعوه عامه لكل واحد فينا أن أي حد عنده مصنع أو محل او شركه أو أياً كان يقدر يساعد حد محتاج ميتأخرش علشان دا واجب علينا في الأخر أننا نكمل بعض و كلنا واحد .. محتاجين نوازن أمورنا ونعيد حسابتنا و ندخل الناس دي فيها ولو بـ جزء من الأهتمام».