محمود سعد يدعم الفنان محمد هنيدي: إنسان طيب وموهوب وكريم على أهله ومبيهاجمش زمايله

دعم الإعلامي محمود سعد، الفنان محمد هنيدي، بعد وصلة من الهجوم عليه بعد عرض فيلمه الجديد، وذلك عبر صفحته الشخصية على موقع التواصل الاجتماعي «فيس قبوك».

وقال في فيديو له: «مين من أصحاب الاعمال الكبيرة على كافة المستويات هتلاقي المنورين في شغله 10 حاجات من خمسين، وأعمال أثرت في الناس».

تصريحات الإعلامي محمود سعد

واستكمل: «هنيدي كان عامل اعلان من سنوات كأنه مسلسل، هو انسان طيب وموهوب وكريم على أهله ومبيهاجمش زمايله، أنا شوفته في بدايات ظهوره في أفلام مع أحمد زكي وعادل إمام وشوفت نجاحه وبعدين طلع ناس تانية، الدنيا بتتغير لكنه فنان كويس الناس بتحبه».

وأوضح: «قريت كذا نقد اتكلموا على أن الفيلم وحش لكن هو معملش جريمة يعني مين فنان كل أفلامه حلوة؟! لكن هو انسان جميل وعمل حاجات على المسرح حلوة يجب أن إحنا نساعده لأنه الفنان أما يبقى صادق بنعتبره جزء من الأسرة».الفنان محمد هنيدي

وأضاف: «الراجل بيجتهد وبيحاول يعمل حاجة حلوة في زمن فيه حاجات كتير ملغبطة ومجرد أنه بيحاول ده في حد ذاته له تقدير».