"خليته يغني وهو عنده 82 سنة".. عصام كاريكا يكشف تفاصيل تعاونه مع الراحل فؤاد المهندس

كشف الفنان عصام كاريكا تفاصيل تعاونه مع الفنان الراحل فؤاد المهندس في فوازير مدرسة عمو فؤاد، وذلك خلال لقائه مع الإعلامية نورهان عبدالفتاح في برنامج زوم ونص عبر شاشة قناة هي.

تعاون عصام كاريكا مع فؤاد المهندس

وأشار الفنان عصام كاريكا إلى سعادته البالغة بتعاونه مع الراحل فؤاد المهندس في بداية مشواره الموسيقي، قائلا: «الواحد لما يتحط في تاريخه إنه اشتغل مع الفنان فؤاد المهندس، وإنه غنى من ألحاني فدي حاجة كبيرة وشرف ليا».

وتابع: «الأستاذ فؤاد كان بيعمل فوازير اسمها عمو فؤاد وكانت مشهورة أوي في تسعينيات القرن الماضي، وقدمها 12 سنة ورا بعض. وكلموني قالولي عايزينك تعمل مزيكا لفوازير فؤاد المهندس».

عصام كاريكا: خليت فؤاد المهندس يغني وهو عنده 82 سنة

وأضاف : «الأستاذ فؤاد كان عمره 82 سنة وقتها، واللي جه في بالي وقتها أنا إزاي أخلي حد عنده 82 سنة يغني والناس تتقبله، والحمدلله عملتله الأغاني ونجحت.

وعن لقائه بالراحل فؤاد المهندس، أوضح: «لما جالي الاستديو عشان نسجل ونعمل الأغاني كان تعبان جدًا وبيسندوه، ربنا يرحمه كان ومازال أسطورة فنية كبيرة».