ماندو العدل: محمد رمضان محترف ومش بيتدخل في الشغل

كشف المخرج ماندو العدل تفاصيل العمل مع الفنان محمد رمصان خلال فيلم “ع الزيرو”، وذلك خلال لقائه على راديو 9090.

وقال ماندو العدل: محمد رمضان فنان محترف ومحترم وبييجي في مواعيده بالدقيقة وملتزم وبنتناقش وناخد رأي بعض ولو قالي حاجة ولقيتها مناسبة بنعملها والعكس صحيح إنما مش بيتدخل في شغلي لأنه عارف بيشتغل مع مين وتجربتي معاه حلوة.

وكان قد أعرب المخرج ماندو العدل عن استيائه الشديد من الانتقادات التي توجه للفنان محمد رمضان بسبب أعماله الفنية، مشيرًا إلى أن وجه منحوت ويعبر عن الشباب والشارع المصري.

وقال ماندو العدل خلال لقائه على راديو 9090: بستغرب لما حد لسه بيسأل هل محمد رمضان موهوب ولا لا ليه الناس بتشكك في موهبته هو طبعا موهوب أنا حاولت أظهر للناس قد إيه هو شاطر.

وأضاف: في فيلم ع الزيرو وشبه المصريين ووشه منحوت وبيعبر عن الشباب، والحمد لله الفيلم نجح والجمهور استقبله بشكل كويس.

خلاف نيللي كريم

كما كشف المخرج ماندو العدل عن حقيقة خلاف الفنانة نيللي كريم مع صناع "ع الزيرو"، وذلك خلال لقائه مع الإعلامية فاطمة مصطفى ببرنامج "الراديو بيضحك" عبر الراديو 9090.

وقال ماندور العدل "اللي أعرفه إن نيللي صورت الفيلم وهي حاباه ومبسوطة جدا بالدور، وخلصت آخر يوم تصوير وهي بتشكرنا على الفيلم".

وأضاف: "المعلومة اللي عندي بحكم علاقتي بنيللي إنها مسافرة، لإنها لم تحصل على إجازة من فترة طويلة جدا، كانت بتعمل مسلسل رمضان ومسلسلات قصيرة بعدها، وكملت معانا الفيلم بعد شهر رمضان وسافرت".

وتابع: "ماسمعتش إنها زعلانة، أو في اتفاق على شكلها في البوستر ولم يتم تنفيذه".

واسترسل: "نيللي كريم والعدل جروب قصة عمل عمرها سنين، ولو في اتفاق على أي حاجة في البوستر أكيد هيتم تنفيذها".

طاقم عمل الفيلم

الفيلم من إﺧﺮاﺝ محمد جمال العدل (مخرج) ومن ﺗﺄﻟﻴﻒ مدحت العدل (مؤلف)، ويتكون طاقم العمل من محمد رمضان و نيللي كريم و شريف دسوقي وشريف سلامة وجومانا مراد وخالد الصاوي.