مقالب هند رستم.. كيف تعمدت ملكة إغراء السينما المصرية جذب الانتباه؟

تحدث الناقد الفني إلهامي سمير، عن بداية الفنانة هند رستم وكيف تأثرت شخصيتها بسبب قسوة والدها، إلى جانب المقالب التي كانت تفعلها في زميلاتها.

قال إلهامي سمير خلال لقائه مع الإعلامية نهاد سمير، ببرنامج «صباح البلد» على قناة صدى البلد: «هند رستم حبت الفن من وهي صغيرة وكان بالنسبة ليها وسيلة هروب لأنها اتولدت لأب ضابط من أصول تركية وكان حازما وشديدا ، وأمها كانت ست مصرية أصيلة، وعلشان كده خدت الجمال التركي مع الجمال المصري».

الفنانة هند رستم

وتابع: «بعد فترة حصل مشاكل بين والدها ووالدتها وانفصلوا وعشان كده بقت عايشة مشتتة بين القاهرة مع الأب وبين اسكندرية شوية مع الأم، وبقت حاسة إنها ضيفة فترة هنا وفترة هنا وعشان كده بقت في الفترة دي إنسانة مشاغبة زي ما كانت بتوصف نفسها».

وكشف إلهامي المقالب التي كانت تفعلها هند رستم في زميلاتها، قائلا: «كانت بتعمل مقالب في صحابها في المدرسة وعشان كده كانت بتطرد من المدارس وبينقلوها كل شوية لمدرسة جديدة، وكانت بتعمل مشاكل عشان تلفت الانتباه ليها».

جوانب من حياة هند رستم

واستكمل: «والدتها في الفترة دي بدأت تحس إن المرحلة دي ممكن تاخد هند لسكة تانية، وبقت توديها تتفرج على السينما ولما تروح كانت تقف قدام المرايا تقلد الفنانات وبدأت تقول أنا ليه مبقاش زي دول».