محمد عطية يثير الجدل: ممكن أتجوز من غير دين المهم تكون إنسانة

عاد الفنان محمد عطية، إلى أثارة الجدل، وذلك بعد أن تحدث عن قبوله الزواج عن طريق المساكنة.

وقال خلال تصريحات تليفزيونية: «ممكن أتجوز من غير دين المهمة تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه ندخل المجتمع والقوانين بينا؟».

واستكمل: «أنا معنديش مشكلة في أن اتجوز من غير ديانتي وعندي اعتقاد شخصي أن الحب بيتزرع في قلب الإنسان من ربنا».

الفنان محمد عطية

تابع: «والدين فكرته كلها تهذيب البشرية والناس تكون بتحب بعض، لو بتعملي ده إيه المطلوب تاني غير كده؟ وفي الآخر إحنا في حياتنا عايشين علشان نتبسط كل اللي حوالينا ده ديكور».

كان أثار الفنان محمد عطية، الجدل بعد حديثه عن زواج المساكنة، مضيفًا: «الأنسب نتجوز من غير عقد زي المساكنة لأن المعظم بيتجوز عمياني مع أن الجنس جزء مهم في العلاقة».

واستكمل: «وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ».