خالد الغندور: « إزاي أحمد الشناوي يحلل لإبنه اللي قاعد على الفار»

كشف الإعلامي خالد الغندور، بأن هناك مجاملات واضحة للنادي الأهلي علي حساب أندية الدوري المصري، سواءً على مستوى التحكيم أو العقوبات.

وقال الغندور مقدم برنامج زملكاوي عبر قناة الزمالك الفضائية: مباراة الأهلي والمصري شهدت جريمة تحكيمية، الحكم احتسب ركلة جزاء وهمية بمعنى الكلمة للأهلي.

أبوه اللي بيحلل التحكيم

وواصل: عندنا التحكيم في مصر بيكون مع اللي الدنيا هتمشي، هل منطقي أن أحمد الشناوي يحلل أداء ابنه إللي قاعد على الفار؟ منا لازم اطلع ابني صح، لازم يعتذر عن تحليل ماتشات ابنه .

وشدد: الأهلاوية بيقولك الزمالك حصالة وخد المركز الثالث، بالرغم من إن الأهلي كان ثالث في كل البطولات الموسم الماضي ولكن كان معاه واسطة، وانسحب من كأس الرابطة ومفيش عقوبة تتوقع ضده والحاج عامر حسين يقولك منسحبش دا اعتذر .

وأشار: عامر حسين أوقف علي ماهر مباراتين لمجرد الاعتراض، وعامل أوضة اللبس علشان أهان قميص الأهلي اتوقف عامين، بينما اللاعب اللي سب الدين اتوقف مباراتين .

وأتم: علشان الحاج عامر حسين أهلاوي وبيخلص كل حاجه بالتليفون، الأمور لم تستقر أو تستقيم طول ما العقوبات بالمزاج.