مهيب عبد الهادي يدعم عبدالقادر لاعب الأهلي في أزمته مع السوشيال ميديا

شن أحمد عبد القادر، لاعب الفريق الكروي الأول بالنادي الأهلي، هجوم ناري على بعض صفحات السوشيال ميديا، بعد الهجوم العنيف الذي تعرض له خلال الفترة الماضية.

وكتب الإعلامي مهيب عبد الهادي عبر حسابه علي موقع التواصل الاجتماعي «فيسبوك » :«قبل ما تتكلموا علي عبد القادر، السؤال هو الحاج كولر مش بيلعبو أساسي ليه عجيبة».

ونشر أحمد عبد القادر، عبر حسابه الرسمي على موقع التواصل الاجتماعي «فيس بوك»:«جمهورالأهلي أكبر منك يا شويه هايفين ياللي بتقبضو الفلوس علشان تعلو ده وتوطو ده، أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الأدمن بتاعكو والفلوس اللي بتتوزع عليكو وقدام عيني».

وتابع: «حد عرض عليا أعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه ابيع بيهم كرامتي بلاش أنتو علشان أنتو لا تمسو للنادي الأهلي».

وأتم:« وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كاملة وأكتر ويشتم أهلك تقولي رد في الملعب ولما ترد يقولك متركزش معاهم مين قال أنهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل وجمعه مباركة».