هنا الزاهد: أصدقائي كلهم أولاد ولسه ما قابلتش صديقة تكون قريبة مني

كشفت الفنانة هنا الزاهد أصعب نقد تعرضت له، إلى جانب حديثها عن أصدقائها بالوسط الفني.

وقالت هنا الزاهد خلال استضافتها في برنامج تفاعلكم: أصعب نقد كنت بتعرض له زمان لما يقولوا البنت دي صوتها مش لايق على شكلها، وكنت بزعل أوي لأني كنت لسه صغيرة وكنت أحيانًا بعيط وأقول صوتي ماله، لكن لما كبرت حسيت أنها نقطة حلوة فيا وبتساعدني أقدم أدوار كتير بشكل طبيعي.

الفنانة هنا الزاهد

وأضافت هنا الزاهد: أحيانا بمسح تعليقات جارحة أوي وفيها شتيمة لأهلي وأهلي ملهمش علاقة، وممكن أدخل اكتب للي بيشتمني خاص، وبيرد يقول لي كتبت كده لأن نفسنا بس تردي علينا.

كما كشفت هنا الزاهد أن أصدقائها أولاد وليس لديها أصدقاء بنات قائلة: أنا ليا أصدقاء ولكن كلهم ولاد، ولسه ما قابلتش صديقة قريبة مني، وفي ناس محترمين أوي اشتغلت معاهم مش أصحاب ولكن معارف، وأحمد حاتم صديقي أوي وإنسان في منتهى الأخلاق وعلي ربيع كمان.

وأضافت: معنديش صديقة أحكي لها مشاكلي، وأقرب الناس ليا أخواتي فرح ونور وواحدة فقط من بره الوسط صاحبتي اسمها لينا.