أحمد سلامة: سارة بنتي ممثلة شاطرة وكل الستات بتغير منها

حل الفنان أحمد سلامة ضيف على برنامج الستات تقديم الإعلاميتين مفيدة شيحة وسهير جودة عبر قناة النهار، وتحدث عن الكثير من التفاصيل حول حياته الشخصية والفنية.

أشاد الفنان أحمد سلامة بابنته سارة قائلا :" بنتي سارة ممثلة شاطرة حواليها كتير من الغيرة، والغيرة ما تقدريش تلغيها من عند الست، لكن إحنا كرجالة مفيش بينا غيرة إلا غيرة فنيا، وسارة مش بتلتفت للكلام ده".

وكان قد كشف الفنان أحمد سلامة، حقيقة خلافه مع ابنته الفنانة سارة سلامة، قائلًا: لم يحدث على الإطلاق أي خلاف بيني وبين ابنتي بسبب ملابسها المثيرة.
وأضاف خلال لقائه ببرنامج "بالخط العريض" الذي تقدمه الإعلامية إيمان أبو طالب بقناة "الحياة": "أنا لما أبقى في خلاف مع بنتي مين هيكون جنبها".

وتابع أحمد سلامة: "علاقتي بابنتي سارة سلامة طبيعية زي أي أب وبنته وعلاقة قريبة جدًّا وبتاخد رأيي في كل حاجة وما بتروحش تتفق على عمل إلا لما تاخد رأيي، والخبرة اللي أنا أخدتها في حياتي بنقلها لبنتي".

ولفت: "بنزعج جدًّا من تدخل الناس في حياة بنتي الشخصية والكلام عن ملابسها، و99% من اللي موجود على السوشيال ميديا مزيف، ونحن نعيش كارثة الموبايل والإنترنت والديجيتال".