الإعلامية لميس الحديدي تعلن توقف برنامجها «كلمة أخيرة» خلال شهر أغسطس

أعلنت الإعلامية لميس الحديدي، أن حلقة اليوم من برنامجها "كلمة أخيرة" هي آخر حلقات الموسم الحالي، قائلة: "النهارده مش نهاية الأسبوع فقط ولكنها حلقة نهاية الموسم لأنه حان وقت الإجازة، وهي الإجازة السنوية لنا في شهر أغسطس من كل عام".

لميس الحديدي وزوجها

وردت "لميس" على الصورة المتداولة لها ولزوجها الإعلامي عمرو أديب وهما في الطائرة ويرتديان ملابس شتوية، قائلة: "عايزة أقولهم أنا مش رايحة النصف الجنوبي من الكرة الأرضية وهذا وقت الإجازة"، موضحة: "كل سنة وانتوا طيبين الشهر الجاي كله سنعرض لكم حلقات معادة من موسم هذا العام"

ومن جانب آخر أعلن الإعلامي عمرو أديب، توقف برنامجه “الحكاية” المذاع علي قناة “mbc مصر”، بدءًا من 1 أغسطس المقبل ولمدة شهر.

ولفت عمرو أديب:"بقالي 25 سنة شغال في الإعلام وأي محطة بشتغل فيها بحط بند في العقد إني أخد إجازة في السنة 1 أغسطس وده شرط في العقد".

وتابع:"انا السنة دي زي الـ25 سنة اللي فاتت هطلع إجازة علشان محدش يقول من الجماعة اللي انتوا عارفينهم عمرو أديب هرب ومش عارف ايه، لو ليا عمر هرجع لحضراتكم تاني، ولو فيه أي حاجة هقطع الإجازة وارجع تاني.

وأكمل: "مش هرجع للشاشة إلا إذا بلدي مش عايزاني أو المحطة مش عايزاني وقتها خلاص هروح البحر بقى بس، انما لحد دلوقتي البلد شايفاني مقبول والقناة شايفاني كويس".

كما أعلنت الإعلامية ياسمين عز عن توقف برنامجها كلام الناس طوال شهر أغسطس، مشيرة إلى أن البرنامج يأخذ تلك العطلة في كل شهر من كل عام.

وقالت ياسمين عز: احنا اجازة لمدة شهر زي كل سنة في شهر أغسطس متزعليش يا مدام أنا عارفة انك مبقتيش تقدري على غيابي، افتحي شاهد واتفرجي على الحلقات بتاعتي قبل ما تننامي شوفي الحلقة عشان هطلعلك على الشاشة، أنا اجازة بس هتلاقيني كل يوم في ميعادي الساعة 6 في ميعادي جمعة سبت حد أربع أيام.

وأضافت: هجهزلك افكار جديدة عشان ارجعلكم بيها، أنا مش عايزة حاجة غير تبقي فرحانة، مش عايزك تنهاري، أنت من غيري مش هتعرفي تكتبي حاجة على صفحتك، معلش الريتش هيقع عندك شوية بس معلش قضى أخف من قضى، بس الشهر الجاي ده الناس هتترحم من تفلسفك.

وتابعت: الشهر ده عايزك تهتمي ببيتك وعيالك شوية، الفيس مش هيهرب، عشان بلاش عريس يجي لبناتك تقولهم ماما فاتحه نت 24 ساعة.