رئيس حزب الاتحاد لـ «بصراحة»: تعديل مواد قانون الانتخابات ومباشرة الحقوق السياسية ضرورة لضمان مشاركة المصريين بالانتخابات

طالب رضا صقر رئيس حزب الاتحاد، بتعديل مواد العقوبات في قانون الانتخابات بجانب قانون مباشرة الحقوق السياسية للتسهيل على المواطن المصري المشاركة في الاستحقاقات الانتخابية، والتسهيل على المصريين في الخارج بالإدلا بأصواتهم.
وأضاف صقر، في تصريحات خاصة لموقع بصراحة، «دولة زي أمريكا إذا كنت بتكلم مع سفارات أمريكا دولة كبيرة، وعدد الولايات كتيرة وفيه صعوبة على المصريين الانتقال بينها للإدلاء بصوتهم، عشان كدة دعمنا تفعيل النص الدستوري باعتماد التصويت الإلكتروني».

وتابع صقر، «تفعيل المشاركة عشان في النهاية يبقى في شرعية انتخابية للمرشح إللي جه هو شرعيته بتيجي من ده، فكل هدفنا في النهاية إن إحنا نوسع قاعدة المشاركة، وسط إنه المناخ السياسي في مصر اتفتح، اتفتح بشكل إحنا مبسوطين بيه، والحوار الوطني هو خير دليل على ذلك، الحطوة الجاية هي جني الإيجابيات بمشاركة سياسية موسعة من قبل الجميع».

وتابع صقر، «النهاردة في ظل الحوار الوطني بنتكلم في كل قضايا المجتمع، قضايا مجتمعية، سياسية، اقتصادية و بحرية وبدون خطوط حمراء، ده إدانا فرصة للأحزاب السياسية إنها تبدأ تفعل دورها، وتقدر تقف قدام مسؤوليتها السياسية، لإنه دي مسؤولية سياسية، إنت النهاردة بتشكل الوعي السياسي».