انتصار: البنت يبقى فيها العبر وتقولك الراجل بيجري ورايا

انتقدت الفنانة بدرية طلبة البرامج النسائية التي تحرض المرأة ضد الرجل، والرجل ضد المرأة، وذلك خلال برنامجها “من غير نفسنة” الذي تقدمه مع الفنانة انتصار ونوليا، عبر شاشة قناة “هي”.

وقالت: في تسخين وتقوية شوكة ويتقال متسكتيش وعقد نفسية، وتحس داخلة الموضوع متحفزة بدل ما يكون في صفاء نفس، ومتطخيش ومترضعيش ومتديلوش فلوس من بتاعك، هو أنا عايشة مع عدوي؟ ما تدبحيه وتخلصي.. البنت يبقى فيها العبر، وبتقول ده جري ورايا هو كان يطول؟، يطول إيه ده الشرع محلل له 4، هو إيه علشان يطول ضفرك.

وأضافت الفنانة بدرية طلبة: في برامج بتصنف المرأة ضد الراجل وبرامج بتصنف الرجل بطريقة أوفر ضد المرأة، وأنا هنا في النص اتلغبطت وأنا أتأثرت لدرجة أن صوتي بقى شتوي، أنا عايزة أبقى محايدة لا مع ده ولا ده”.

وتابعت: مفيش حاجة اسمها كل الرجالة خاينين ووحشين، ليه ما الراجل ده أبوكي وأخوكي وابنك اللي مخلفاه من بطنك، وابن عمك اللي بيخاف عليكي وبيرعاكي، كل دول وحشين؟ ولا أنتي مركزة بس في العلاقة العاطفية مع الزوج والحبيب؟ الرجالة اختزلتيهم في دول؟ في حاجة اسمها بعض ونسبة، وناخد كل نسبة بحالتها وتربيتها.