صبري فواز: اللي شايف مهنة التمثيل سهلة يجي يحضر يوم تصوير

رد الفنان صبري فواز على تصريحات أن مهنة التمثيل مهنة سهلة، وذلك خلال حلوله ضيفا على برنامج "60 دقيقة".

وقال صبري فواز: أي حد يشوف الفن أو التمثيل شغلانة سهلة يتفضل يحضر يوم تصوير ويعرف الدنيا ماشية ازاي بالانضباط، وهذه المهنة ليست سهلة أبدًا.

واستكمل حديثه: بحب الحياة، احنا جينا للحياة عشان نعيشها بكل ما فيها فرح وحزن، كل ظرف بنمر بيها لازم نعيشها بالشكل الأمثل لأننا لو عشنا الأحداث السعيدة بس نص الحياة هتكون فاتننا، وبالتالي كل ظرف نمر بيه لازم نعيشه، الحياة جمالها يكمن في اننا نعيش كل لحظاتها حتى المؤلمة.

وقال صبري فواز خلال البرنامج: الحب الأول كان في الثانوية العامة، أما الإسكندرية فلم أعش قصة حب فيها، لأنني كنت مشغولا بتأسيس نفسي كفنان، في الفترة دي كانت الحركة الفنية عظيمة، الإسكندرية كان فيها فرق مسرح في الأنفوشي وقصر الحرية وقصر الإبداع والمركز الفرنسي في شارع النبي دانيال والأتيليه، وكان شارع النبي دانيال منارة في حد ذاته، وكانت الإسكندرية فيها أكثر من 12 باندا غربيا للمزيكا بالإضافة إلى البند الشرقي.