هيثم عرابي: الله يسامحك يا حسين على الصداع اللي عملته

وجه هيثم عرابي، مدير التعاقدات الأسبق بالأهلي، رسالة إلي حسين الشحات، لاعب النادي الأهلي ، بعد إزمة اللاعب مع محمد الشيبي لاعب نادي بيراميدز عقب نهاية اللقاء الذي جمع الفريقين علي ملعب الدفاع الجوي، ضمن الجولة المؤجلة من الاسبوع الـ 28 من بطولة الدوري .

وصفع الشحات عقب نهاية المباراة، محمد الشيبي « بالقلم» وسط تدخل من لاعبي الفريقين لتصفية الأمور.

هيثم عرابي يوجه رسالة إلى حسين الشحات

وكتب هيثم عرابي عبر حسابه على موقع التواصل الاجتماعي "فيس بوك": «الله يسامحك يا حسين علي الصداع دا، دا كأنهم كانوا مستنين اي حاجة ،الموضوع فعلا مش حسين، كتير مننا امبارح قال حسين غلط بس دا مش كفايه بالنسبة ليك، كتبنا سواء السب أو الضرب مينفعش وغلط قالك مش كفايه».

وتابع:«الاهلي اعلن رسمي عن عقاب حسين مش كفايه واكيد عقوبه كدا وكدا .وقالك مينفعش تنتقد الشيبي انت كدا بتبرر لحسين».

وأردف:«لما فيديو الصلح بين حسين والشيبي نزل ناس كتبت حسين عمل كدا عشان خايف يتوقف مش عشان مقتنع انه غلط . انت متخيل وصلت لفين».

وأضاف:«شوف ردود الافعال من امبارح اقرأ النقاشات والتعليقات الزملكاوية هتفهم انه كل دا مش كفايه ومهما عملت مش كفايه . احنا لو كتبنا اي حاجة عن حسين الشحات مش كفايه».

وزاد:«للي بتسمعوا من امبارح نفس الكلمات اللي بسمعها مع كل موقف ..هي دي مباديء الاهلي؟ . دي تربيتكم . وكالعادة استغلال الصفحات الموقف وعمل فتنه بين بلدين.وزي كل مرة تكبير اي مشكلة للاهلي عشان تثبت ان الاهلي وحش وظالم».

وأختتم:«انا بصراحة اقتنعت خلاص ان مفيش فايدة من الحوار ،انت مش فارق معاك ناديك،انت كرهك ليا اكبر من حبك لناديك، سايب الكوارث اللي عندك وبتحاول تداري عليه بالتركيز عليا وتكبير اي حاجة تقدر عليه واعلامك بيساعد في كدا».