سارة نخلة: لو جوزك يعرف بنات مينفعش تمنعيه .. واللي معندوش تجارب موضة قديمة

أثارت الفنانة ومقدمة البرامج سارة نخلة الجدل بعد تصريحاتها عن طبيعة العلاقة بين الرجل والمرأة في حدود الصداقة، وذلك خلال برنامجها "فيس أوف" على شاشة قناة "هي".

وأكدت سارة نخلة: " الرجل متعدد التجارب البنات بتحبه واجتماعي".

وتابعت:" كل ممنوع مرغوب طالما اتجوزتي راجل وهو عنده صداقات مع بنات وانتي وافقتي من الاول يبقي تسكتي، طالما يعرف البنت دي بقاله سنين مينفعش تمنعيه عنها علشان هيجي في يوم من الايام ويقولك انتي خسرتيني فلانة".

وأوضحت: مبقاش في راجل في الحياة معندوش تجارب لو اتعرفتي على راجل مشفش حد في حياته ومتعرفش على حد هيبقى معقد، واللي معندوش تجارب مش هيعرف يتعامل معاكي.

ووجهت رسالة للفتيات قائلة: "عادي يبقى عنده صديقات دا مؤشر أن الراجل دة محبوب و البنات بتحبه اجتماعي بيحب يبقي عنده صحاب، فدا بالنسبالي مؤشر حلو اوي والاحسن يكون عنده قبلك تجارب عاطفية، في بنات كتير بستغربها بتقولك اصل هوكان بيحب واحدة قبلي أو على علاقة حب أو ارتباط أو خطوبة".