كامل الوزير: حال الزمالك هيبقى أفضل ومرتضى منصور مش هيستمر طول العمر

علق المهندس كامل الوزير وزير النقل، على خسارة النادي الأهلي من بيراميدز بثلاثية نظيفة، والأزمات التي توجه نادي الزمالك الفترة الأخيرة.

وقال كامل الوزير خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “ام بي سي مصر”: "مش مصدق إن بيراميدز كسب الأهلي 3/0، لا يمكن، أي نعم احنا زملكاوية بس أنا مش هبقى سعيد ولا حاجة لما الأهلي يخسر".

وعقب عمرو أديب، مازحا: "أنت مش هتبقى سعيد بخسارة الأهلي أنا عارف"، ليرد كامل الوزير ضاحكا: "احنا زملكاوية وبنحب الزمالك بس نتمنى الخير للأهلي"، ليعقب أديب: "أيوا الضحكة الحلوة بتاعت حب الأهلي دي".

وبسؤاله عن مصير نادي الزمالك، أكد كامل الوزير: "إن شاء الله القادم أفضل للنادي بتاعتنا نادي الزمالك، ومفيش حال بيستمر كده والحال اللي فيه الزمالك ده مش هيستمر، مرتضى منصور مش هيفضل طول العمر اكيد هيتغير واللعيبة أيضا هتتغير، مش كل واحد له عمر ولا إيه".