الفنانة انتصار تثير الجدل: الستات مش عارفة هى عايزة ايه طول النهار هري وفرك

آثارت الفنانة انتصار الجدل بحديثها عن النساء، مشيرة إلى أن الرجل وزوجته عند الكبر يأخذ كل منهما طابع الهداية.

وقالت انتصار في تصريحات تلفزيونية: الراجل والست لما بيكبروا بيتهدوا فبيولفوا على بعض، ولكن وهما صغيرين الدنيا بتاخدهم، ولو اتجوزتي واحد بيخرج كتير عمرك ما هتعرفي تقعديه في البيت حتى لو معاكي 5 عيال.

وأضافت: لو اتجوزتي راجل بيتوتي هيفضل بعد الجواز بيتوتي، إنتي مش هتغيري أي حاجة في الراجل بعد الجواز، الستات مش عارفة هي عايزة إيه، طول النهار هري وفرك، يعني معاها واحد كويس وطيب تقولك مش نغش.

وواصلت: لو معاها النغش تقولك ده تاعبني وطول الوقت الستات بيبصوا عليه، لو معاها الممشوق تقولك الستات كلها عايزة تخطفه مني، ولو خدت الصغير تقولك تافه أوي وعايزة أخد واحد من سني.

شيماء سيف تتحدث عن خلافها مع انتصار

وكانت قد كشفت الفنانة شيماء سيف تفاصيل خلافها مع انتصار،وذلك خلال استضافتها ببرنامج "رامز نيفر إند"، عبر فضائية "mbc مصر".

وقالت شيماء سيف: أنا اللي مزعلة انتصار مش هي اللي مزعلاني .. عشان هي اتكلمت في حاجة قليلة الأدب ورديت عليها وهي افتكرت إني برد عليها عشان أكسب الناس.