ياسمين عز تكشف مميزات الزواج من طبيبة: صوتها شتوي طوال المواسم

كشفت الإعلامية ياسمين عز عن مزايا الزواج من طبيبة من خلال برنامج «كلام الناس» الذي تقدمه عبر شاشة «mbc»، مشيرة إلى أنها تتمتع بمزايا عديدة من ضمنها النظافة ووحدة رعاية متنقلة.

مميزات الزواج من طبيبة

وتحدثت ياسمين عز عن مميزات الزواج من طبيبة في برنامج كلام الناس، قائلة: «عزيزي الفرعون ياللي بتفكر في الجواز من الطبيبة أو الدكتورة ربنا بيبحبك ووالدتك راضية عليك، ده معناه انك هتتجوز وحدة رعاية مركزة متنقلة، ومفيش ست في الدنيا هتهتم بيك زيها، غير انها في قلبها طيبة وحنية رباني ووشها مبستم طول الوقت وصوتها شتوي طول المواسم».

وأضافت: «الدكتورة مش بتكتب لجوزها حاجة والنضافة اولا وثانيا فلة وبتبرق دلال من الدال، حكيمة من الحكمة ومش بسب بطبب الناس.. صبرت على دراسة 7 سنين طب ست جبل بمعنى الكلمة مفيش في صبرها وقوة احتمالها وبتسحملك ولا أجدعها راجل مع ان مفيش اجدع من الرجالة بس الجملة بتتقال كدة».

وأردفت: «صعب تصدق عنك حاجة مشفتهاش بعنيها وقبل أي قرار بتاخده لازم تعمل تحليل منطقي ومستحيل تجرحك عشان تداوي مشكلتها معاك حياتها مزيكا وجعها ليك أخرته خير».

ومن ناحية أخرى، تستضيف الإعلامية ياسمين عز في حلقة خاصة لبرنامج «كلام الناس» الليلة، عبر شاشة «mbc» الفنانة عايدة غنيم بعد غياب طويل عن الشاشة، والذي من المقرر أن تتحدث خلاله عن الكثير من التفاصيل المثيرة حول حياتها الخاصة والفنية.