جابر القرموطي عن رسوب 70٪ من طلاب طب قنا: الغش في الثانوية بيعمل أكتر من كده

علق الإعلامي جابر القرموطي عن رسوب أكثر من 80% من طلاب الفرقة الأولى بكلية طب جامعة قنا، وذلك خلال حلقة برنامجه “مانشيت”.

وقال الإعلامي جابر القرموطي :" الغش في امتحانات الثانوية العامة بيوصل طالب لكلية لا يستحقها .. حضرتك بتعلم ابنك طرق الغش قبل ما يطلع من البيت، بيروح يغش ويجيب مجموع كبير في الثانوية وهو لا يستحقه".

وتابع:" اللي حصل نتيجة هذا الغش إن بنتك أو ابنك بيتحط في مكان مش مكانه، بيتخرج طبيب أو مهندس أو مدرس غير كفء .. في مانع إنك تقعد مع ابنك وهو في تانية إعدادي وتلاحظ هو كان عايز إيه؟ بيرسم، دماغه رايحة لطب ، تكنولوجيا، هندسة، بيحب الكورة أو الفن ملاحظتش أي تطور في سلوكه ؟".

وانفعل على أولياء الأمور قائلا :" معقول البيوت بقت لوكاندة؟ يعني أنا أدخل أنام في البيت واتوكل على الله واسيب مراتي وولادي، ومراتي نفس النظام، حضرتك مش قد المسئولية ماتتجوزش ومش قد الخلفة ماتخلفش، ليه نغصب على ولادنا يدخلوا الأماكن اللي إحنا عايزينها؟ سيبهم يبدعوا ويبتكروا أعلم".

رسوب 70٪ من طلاب طب قنا

وكانت قد أعلنت كلية الطب بجامعة جنوب الوادي في محافظة قنا، رسوب 70% من طلاب الفرقة الأولى، وأن نسبة النجاح في السنة الأولى هذا العام، لم تتعد 30 % من نسبة الطلاب المقيدين في العام الدراسي 2022 - 2023.

وقال الدكتور يوسف غرباوي، رئيس جامعة جنوب الوادي، إن عدد المقيدين في الفرقة الأولى بكلية الطب هذا العام، بلغ 512 طالبا وطالبة، نجح منهم 146 طالبا وطالبة فقط، بنسبة نجاح بلغت 28.51%، ما يعني رسوب أكثر من 70% من الطلاب.