بقيت عايش في ضغط نفسي.. أول تعليق من شاكوش بعد اتهامات طليقته ريم طارق

رد مطرب المهرجانات حسن شاكوش على اتهامات طليقته ريم طارق، بعد ظهورها مع الإعلامية بسمة وهبة ببرنامج “90 دقيقة”، مشيرًا إلى أنه لا يحب أن يخطئ في أي امرأة.

وقال حسن شاكوش في فيديو عبر حسابه الشخصي بموقع التواصل الاجتماعي فيسبوك: كنت ساكت الفترة اللي فاتت لأن مينفعش أطلع اتكلم على واحدة في يوم من الأيام كانت مراتي، أو لو حتى مش مراتي مش بغلط في حد لأن أنا عارف يعني ايه شرف المرأة المصرية، بس بردوا الراجل المصري ليه شرف وسمعة.

وأضاف: أنا بقيت عايش في ضغط نفسي، وليا حق الرد، وأوقل إن الست المصرية زي ما بنحترمها لازم يحترموا الراجل عشان هو كمان عنده شرف وكرامة، وأنا مكنتش عايز اتكلم بس كفاية كده، لأن بردوا مهما تسمعوا حد لازم تسمعوا من الطرفين.

وواصل: أنا برامج مصر كلها كانت عايزاني أطلع اتكلم بس منعتها، لأن ده مش تربيتي ولا أسلوبي، الراجل المصري عنده كرامة وشرف واللي سمعته من ريم ميرضيش ربنا.

سبب طلاق حسن شاكوش وريم طارق

وكانت قد تحدت ريم طارق طليقة مؤدي المهرجانات حسن شاكوش، طليقها الفنان حسن شاكوش على الهواء، حيث وجهت له رسالة قائلة: "أنا مع الدكتورة بسمة مش هحكي أي حاجة عن تفاصيل الطلاق، وطالبة منك تواجهني قدام العالم كله"، وذلك، خلال حوارها مع الإعلامية بسمة وهبة، من برنامج "90 دقيقة"، على قناة "المحور".

وقالت الإعلامية بسمة وهبة: "حاولنا التواصل مع حسن شاكوش، لكن مدير أعماله ردّ على فريق الإعداد وقال إنه يرفض الظهور معنا اليوم".

إلى ذلك، قالت ريم طارق: "حسن شاكوش مقدرش يواجه، عشان هو عارف إني مقصرتش معاه في حاجة وكنت ماشية معاه بما يرضي الله وساعدته كثيرا، وأكيد هيرد على مسرح زي ما بيعمل وتقدمت بشكوى للنقابة إنه بيجيب سيرتي على المسرح، وأنتظر نتائج التحقيق".

إلى ووجهت بسمة وهبة رسالة لحسن شاكوش، قائلة: "طالما كل واحد راح لحاله مفيش داعي للمشكلات، ولو لها حق أو حاجات عندك خليها تاخدها لأنها ولية، ومهما كنت شايل منها اديها حاجتها، ولو حبيت تيجي ترج القناة مفتوحة لك والبرنامج مفتوح لك".