ريم طارق لـ بسمة وهبة: حسن شاكوش خاني مع فنانة مشهورة في السخنة

كشفت ريم طارق سبب انفصالها عن المطرب حسن شاكوش، مشيرة إلى أنها خانها في نهار رمضان مع فنانة مشهورة وكان في الساحل الشمالي.

وقالت ريم طارق خلال لقائها مع “بسمة وهبة”: خاني في نهار رمضان مع ممثلة مشهورة عندها مشكلة صحية في شاليه في السخنة رجع البيت لقيتها كاتبة ليه أنت وصلت يا حبيبي، وهي كانت عارفة إني عارفة وكانت بتحاول تسمعني صوتها، وتالت حرف في اسمها "ر".

وأضافت: في رمضان كان بيطلع لايفات وقالي هيجيله هدايا وفيها فلوس، وكان يقعد يقول للناس أنا يحرم عليا كل جنيه أنا هاخده وهتبرع بيه لأطفال، وأنا فرحت وقالي أنت اللي هتوديها، جيت أساله فين ملقتوش ولم 30 ألف دولار.

ووجهت ريم طارق رسالة لحسن شاكوش على الهواء قائلة: بص يا حسن مش هحكي حاجة عن الطلاق، بس بطلب منك تواجهني قدام العالم كله، قدمت شكوى.

أول تعليق من والد زوجة شاكوش

من جانبه كان قد أعرب والد ريم طارق زوجة المطرب حسن شاكوش عن سعادته البالغة بطلاق نجلته من مطرب المهرجانات، مشيرًا إلى أنه أول مره يعلم بالطلاق منذ دقائق.

وقال والد ريم طارق في تصريح خاص لـ"بصراحة": والله أول مره نعرف إنه طلقها الحمد لله على كرمه.. كده دلوقتي ملناش عنده غير حقوقها وعايزينها.