الدنيا لسة بخير.. مواطن يصر على إصلاح سيارة آخر بعد اصطدامه بها ويترك له رسالة

تداول عدد من رواد مواقع التواصل الاجتماعي المختلفة، قصة لمواطن يضرب بها المثل في الأمانة والشرف، حيث لاقت القصة تفاعلًا واسعًا.

وقال صاحب المنشور: «نزلت الصبح لاقيت الورقة دي علي العربية وبالرغم من ان العربية اتخبطت لكني كنت فرحان جدا والله بالاخلاق والرقي الكبير ده كلمت الراجل بس علشان اشكره علي اخلاقه ورقيه في التعامل مع الموقف».

مواطن يصر على إصلاح سيارة آخر بعد اصطدامه بها

واستكمل: «قالي انا مصمم اني اصلحها علي حسابي في مركز الصيانة بتاع العربية قولتله والله العربية متأمن عليها وانا هاعملها بدون مقابل ،، قالي خلاص الوقت اللي هاتسيب في العربية في مركز الصيانة انا هأجرلك عربية نفس الموديل علي حسابي لحد ماتخلص العربية وتستلمها وانا بعتذر لحضرتك مرة تانية وبشكرك علي إنك مسامحني».

وتابع: «قولتله والله انا اللي بشكرك علشان عرفتني ان لسه في ناس بالادب والاخلاق والرقي ده في الايام الصعبة دي».