ربنا خلقني برقبة.. دعاء فاروق ترد على مُنتقدي ملابسها في الحج

ردت الإعلامية دعاء فاروق على منتقدي ملابسها خلال أدائها مناسك الحج، مشيرة إلى أنها حرة في ما ترديه، ولا يجوز على أي شخص التدخل.

وقالت دعاء فاروق في فيديو عبر حسابها الشخصي بموقع التواصل الاجتماعي “انستجرام”: في ناس متعرفش شكل الرقبة، ربنا خالقنا برقبة والرقبة تحت الإيشارب وفي إيشارب ملفوف حولين الرقبة في إيشارب ملفوف حولين الرقبة ولا مافيش.

دعاء فاروق ترد على مُنتقدي ملابسها في الحج

وأضافت: أنا بقى قدامكم على طول لابسة التلبيسة ولا لا جيت مرة غيرت في طريقة اللفة، ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

وواصلت: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

وأختتمت دعاء فاروق قائلة: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.