شوبير لمنتقدي عودة حسام عاشور إلى الأهلي: «يقول لك أصله غلط طب ما يغلط هو احنا ربنا»

حرص الإعلامي أحمد شوبير، على توجيه رسائل هامة لإدارة النادي الأهلي بشأن حسام عاشور القائد التاريخي للقلعة الحمراء، وذلك بعد هجوم بعض الجماهير في مواقع التواصل الاحتماعي على عاشور عقب دخوله النادي منذ يومين ولقائه مع بعض لاعبي الأهلي.

وقال أحمد شوبير في تصريحات إذاعية: «حسام عاشور من يومين دخل النادي الأهلي، الدنيا اتقلبت على السوشيال ميديا، ناس تقول نعفو عنه وناس قالت لأ.. لأ إيه يا عم أنت وهو، حسام عاشور ده أسطورة ده أكثر واحد في التاريخ حقق بطولات مع النادي الأهلي وكابتن تاريخي للنادي الأهلي».

وتابع شوبير: «يقول لك أصله غلط طب ما يغلط هو احنا ربنا، المولى عز وجل هو اللي بيسامح وبعدين أيه الغلط اللي عمله يعني طلع قال كلمتين، ما كلنا بنطلع نقول كلمتين ماشي عادي، وبنغلط كلنا بنبقى متعصبين ونقول كلمتينن لكن عاشور لا تطاول على حد ولا غلط في حد».