حسين حجاج لـ بصراحة: الناس فهمت كلامي غلط.. وأنا مش زعلان منه

كشف الفنان حسين حجاج عن تصريحاته ضد الفنان محمد هنيدي، مشيرًا أن ما خرج للأعلام والصحافة غير صحيح وتم فهمه بشكل خاطئ.

وقال حسين حاجا لموقع « بصراحة »: أنا مش زعلان من محمد هنيدي الناس مفهمتش كلامي وأتكلموا هما على لساني بمزاجهم، وكمان كلمة أن محمد هنيدي بيغير مني كلام فاضي وأنا بحترم هنيدي.

وأضاف حسين: أنا عايز أعرف ازاي هكون ناجح عنه في صعيدي في الجامعة الأمريكية وهو بطل الفيلم وأنا ظهرت بمشهدين بس، هو قالي مش هشتغل معاك غير لما الناس تنسي لؤي دي وجه نظروا وأنا مش زعلان منه.

حسين حجاج يهاجم محمد هنيدي

كشف الفنان حسين حجاج حقيقة خلافه مع الفنان محمد هنيدي وسر عدم تعاونهما سويًا بعد شخصية لؤي، مشيرًا إلى أنه هو من قال له لا أريد أن يعمل معه.

وقال حسين حجاج خلال لقائه مع الإعلامية إنجي هشام: مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الامريكيه وكان فيلم ناجح جدًا.

وأضاف: مرة قابلته بعدها بسنه أو اتنين قولتله ايه انت نسيتني ليه؟ قالي مينفعش نشتغل مع بعض تاني قولتله طب ليه قالي اصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض.

وواصل: لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الاستاذ هاني رمزي وانا كنت رايح اسلم على هاني رمزي.

محمد هنيدي يدافع عن رحمة أحمد

كان قد دافع محمد هنيدي عن الفنانة رحمة أحمد، قائلًا: "واحدة طلعت في سنة وطوب الأرض حبها وشكر فيها ودا يعني إن فيه موهبة من عند ربنا وحاجة جميلة أيًّا كانت اتفقنا اختلفنا زودت في الدور أو قللت أو أفورت نقوم نقطع رقبتها".

واستطرد خلال تصريحات تليفزيونية:"الهجوم كان شديد عليها، اللي يحكم على الأفورة المشاهد بس نناقش على الموضوع بهدوء، ولكنها موهبة كلنا فرحنا بيها وأنا أول واحد وهي كوميدية من الطراز الجميل وإذا كانت أفورت تظبط نفسها ما أفورتش خلاص لكنها كوميدية مهمة ورهيبة".

وتابع: "لو ما وافقتش إن بنتي تشتغل في التمثيل دا مش معناه إن المهنة فيها حاجة لإني أنا بنتمي ليها وأتشرف لكنها شاقة واللي موافق على كدا أهلًا وسهلًا، وبنتي هي المسؤولة حاليًّا عن شركة الإنتاج الخاصة بيَّ".