أول ظهور لميرنا هشام بعد أنباء محاولة انتحارها: أنا بخير ومريت بأزمة نفسية تعبتني

آثارت ميرنا هشام نجمة آراب أيدول الجدل في الساعات الأخيرة بعد تداول أنباء عن محاولة انتحارها والتخلص من حياتها.

وحصل موقع “بصراحة” الإخباري على أول فيديو لميرنا هشام كشفت فيه حقيقة محاولتها للانتحاربعد الأنباء المتداولة.

وقالت ميرنا هشام في أول ظهور لها :" أنا عملت الفيديو عشان اطمنكوا عليا .. أنا بخير وكويسة ومنتحرتش ولا عمري هفكر أعمل حاجة زي كده".

وتابعت :" كل الحكاية إن بقالي فترة كبيرة مش موجودة ومختفية من على السوشيال ميديا والحياة وواخدة بريك .. لأني مش أحسن حاجة نفسيا ومش بحب حد يشوف ده".

وأضافت :" في ناس كتير ممكن تمر بأزمات نفسية ومتقدرش تتعامل مع أشخاص ولا تعيش حياتها الطبيعية، وأنا مريت بضغوطات شخصية تعبتني أكتر
وروحت المستشفى بس مش لدرجة الانتحار..والأخبار دي تعبتني أكتر".