فيفي عبده: محمد رمضان مراضي أبوه وأمه عشان كده بينجح

كشفت الفنانة فيفي عبده سر نجاح الفنان محمد رمضان في السينما والأعمال الغنائية الذي يقدمها، مشيرة إلأى أنه يوجد سر خفي يفعله حتى يكون في ذلك النجاح.

وقالت فيفي عبده خلال لقائها مع "et بالعربي": محمد رمضان ناجح ولا شك أن هو بيعمل أخطاء كتير لكن ربنا بيديله نجاح ورزق وحب من الناس عشان مراضي أبوه وأمه وأنا بحبه ونفسي أشتغل معاه.

وأضافت: لو كان اتعرض عليا دور في جعفر العمدة كنت هشارك معاه ليه لأ، هو ناجح جدًا ولو في دور مناسب هشتغله، أنا اه عملت شغل كتير بجميع الأنواع بس عادي اشتغل معاه.

فيفي عبده ترد على منتقديها

في وقت سابق كانت قد ردت الفنانة فيفي عبده على منتقدي نشرها فيديوهات رقص عبر حساباتها الشخصية بمواقع التواصل الاجتماعي، مشيرة إلى أنها تحب الرقص وبالنسبة لها مثل الأكسجين.

وقالت فيفي عبده خلال لقائها مع “et بالعربي”:الرقص بالنسبة ليا زي الأكسجين وطول ما لسه فيا الروح هفضل أرقص حتى لو وصلت لـ 90 سنة.

وأضافت:بتشتم كتير على السوشيال ميديا بس مش كل قط يتقال له يا مشمش ولا كل فار يعرف يختار واللي في جمالي يبصق على أفعالي واللي مش عاجبها من شعرها هجيبها.