رجعالكوا بـ«هابي هالوين».. حنان مطاوع تطمئن الجمهور بعد عملية استئصال الغدة الدرقية | خاص

كشفت الفنانة حنان مطاوع عن تفاصيل حالتها الصحية بعد إجراء عملية جراحية وهي استئصال الغدة الدرقية، مشيرا أنها تشعر بتحسن كبير.

وقالت حنان مطاوع لـ « بصراحة »: العملية دي كانت من شهر بس فترة النقاء بتقعد فترة كبيرة بس الحمد لله أنا متابعة مع الدكاترة وبشعر بتحسن كبير.

وأضافت حنان: هي العملية كانت الحمد لله مكنش في أي مشاكل والدكاترة تعبوا معايا ولحد دلوقتي في متابعة مستمرة وقريب أرجع للجمهور بمسلسل "هابي هالوين"، وبشكر كل الناس اللي أطمنت عليا وكانت على طول بتتواصل معايا.

حنان مطاوع: وافقت على مسلسل سره الباتع لخالد يوسف بعد ما زارني في بيتي

من جانبه كانت كشفت الفنانة حنان مطاوع تفاصيل مشاركتها في مسلسل “سره الباتع”، الذي أدي بطولته الفنان أحمد السعدني، وعرض في الماراثون الرمضاني 2023.

وقالت حنان مطاوع خلال لقائها ببرنامج «مساء دي إم سي» عبر فضائية «مساء دي إم سي»: المخرج خالد يوسف كلمني مشكورا، فطبعا انبسط جدا، فقالي مسلسل لرمضان.

وأضافت: قولتله المكالمة دي على راسي من فوق بس أنا بحضر لمسلسل 30 حلقة اسمه كفر العميان، ومش هعرف أدخل في حاجتين مع بعض، وقولتله سامحني، وسألني انتي بكرا فين؟ قولتله في البيت، قالي بكرا الصبح انتي وجوزك تعزموني على حاجة، قولتله حضرتك تنور، أعزمك على إيه؟ قالي فول وطعمية.

وواصلت: نورني في البيت، وحكالي القصة وكانت رائعة، فقولتله هنعمل إيه في الوقت، قالي اعملي الاتنين وهيتم التنسيق، متقلقيش، فقولتله توكلنا على الله، والمسلسل التاني قعد يتأجل يتأجل لغاية ما متعملش خالص.