وفاء عامر تمدح نساء مصر: أطعم حاجة في العالم بس حاميين شطة

أشادت الفنانة وفاء عامر بنساء مصر وأخلاقهم وأزماتهم اللذين يواجهونها، مشيرة إلى أن الملكة نازلي ظلمت الملك فاروق.

وقالت وفاء عامر خلال برنامج “أسألني”:مقدرش اغير حاجة في ستات مصر لإنهم اطعم حاجة في العالم تلقائيتهم حلوة هزارهم حلو خناقهم حلو شكلهم حلو وحاميين شطة، وصفة بتكرهها الستات في الرجالة عموما الكدب والبخل.

وأضافت:من خلال معايشتي لشخصية الملكة نازلي هي كانت ظالمة ومظلومة ولو بحكم عليها اجد انها ظلمت الملك فاروق.

وواصلت:من حظي إني اشتغلت مع الزعيم عادل إمام، وأحب أجسد سميرة موسى عالمة الذرة علشان أكون جسدت شخصية الملكة والراقصة والفنانة تحية كاريوكا.

وفاء عامر تكشف عن استبعداها من مسلسل بسبب منة فضالي

كانت قد كشفت الفنانةوفاء عامرعلى حقيقة وجود خلاف بينها وبين الفنانة منة فضالي، حيث تم استعبدتها من أحد المسلسلات.

وقالت وفاء عامر خلال لقائها في برنامج كلام الناس مع الإعلامية ياسمين عز: محدش يقدر يستبعدني غير ربنا سبحانه وتعالى والشغل رزق، وحتى لو فيه وقيعة وأنا زعلانة معاكي هل من الشرف إني أستبعدك، يعني لو الكلام ده عليا أنا فهل ده من الشرف والأمانة والدين، بالعكس المفروض ما استبعدش حد وأساعده ياكل عيش.

وأضافت وفاء عامر: ربنا يزيدها ويكرمها ومش تستبعدني بس لأ تستبعد كل الزملاء، ولو هي استبعدتني فشكرا ليها، وأنا أشدت بها في مسلسل جعفر العمدة وكتبت أنها عاملة خطوة مهمة مع محمد سامي ومش هغير رأيي، وأحسن حاجة يكون الواحد قادر يكون عارف قيمة نفسه وعارف إنه ما ينفعش يكون له بديل، ومنة أكيد لو قالت كده فمش قصدها ومش عاوزة أظلم حد، لأننا اتعلمنا نحترم بعض.