وفاء عامر: جوزي عمره ما أنتج ليا فيلم وكان بيتنصب عليا كتير

كشفت الفنانة وفاء عامر عن العديد من الأسرار في بداية مسيرتها الفنية، مشيرة إلى أن زوجها المنتج محمد فوزي لم يتدخل في أعمالها.

وقالت وفاء عامر خلال لقائها ببرنامج "اسألني":بدأت مشواري الفني بالإعلانات قبل التمثيل وأول إعلان ليا كان ماما كريمة، وأول أجر ليا كان 1000 جنيه،اتنصب عليا كتير في أعمال فنية وبسيب فلوسي وإلا مكنتش هاشتغل.

وأضافت:لو رايحة اتخانق مع منتج علشان خد مني فلوس اخد أختي أيتن عامر، وفخورة بفيلمي كف القمر وحين ميسرة، ومفيش ولا فيلم أنتجه ليا زوجي محمد فوزي.

وفاء عامر تكشف عن استبعداها من مسلسل بسبب منة فضالي

كانت قد كشفت الفنانةوفاء عامرعلى حقيقة وجود خلاف بينها وبين الفنانة منة فضالي، حيث تم استعبدتها من أحد المسلسلات.

وقالت وفاء عامر خلال لقائها في برنامج كلام الناس مع الإعلامية ياسمين عز: محدش يقدر يستبعدني غير ربنا سبحانه وتعالى والشغل رزق، وحتى لو فيه وقيعة وأنا زعلانة معاكي هل من الشرف إني أستبعدك، يعني لو الكلام ده عليا أنا فهل ده من الشرف والأمانة والدين، بالعكس المفروض ما استبعدش حد وأساعده ياكل عيش.

وأضافت وفاء عامر: ربنا يزيدها ويكرمها ومش تستبعدني بس لأ تستبعد كل الزملاء، ولو هي استبعدتني فشكرا ليها، وأنا أشدت بها في مسلسل جعفر العمدة وكتبت أنها عاملة خطوة مهمة مع محمد سامي ومش هغير رأيي، وأحسن حاجة يكون الواحد قادر يكون عارف قيمة نفسه وعارف إنه ما ينفعش يكون له بديل، ومنة أكيد لو قالت كده فمش قصدها ومش عاوزة أظلم حد، لأننا اتعلمنا نحترم بعض.