رامي جمال يهاجم فنان مجهول: كل يوم بيغلط في زمايله عشان المشاهدات

وجه الفنان رامي جمال رسالة غامضة لفنان مجهول عبر حسابه الشخصي بموقع التواصل الاجتماعي فيسبوك، مشيرًا إلى أنه يسعى من أجل المشاهدات.

وكتب رامي جمال: بقالك فتره منجحتش اغلط في كل زمايلك واساتذتك نرجع نستضيفك اهو اي محتوي لو مش فني يبقي اي تقليل من الكبار فيضطروا يردوا عليك ف تبقي موجود حاجات لزوم المشاهدات.

عمرو مصطفى

وكان قد كشف الفنان عمرو مصطفى عن فكرة إحياءه التراث بالذكاء الاصطناعي وذلك خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس.

وقال عمرو مصطفى: ليه لقيت هجوم عليا لما قولت هعمل إحياء للتراث والمفروض لما المبدع يتكلم الكل يسكت.

وتابع: أنا عايز اقلب التخت الشرقي تبقى موجودة في الأغاني بتاعتي، وأنا كنت بتخيل صوت أم كلثوم أما ده مش صوتها، وهستأذن الوراثة قبل ما أعمل أي حاجة.

وأضاف: ممكن نعمل أدعية بصوت المطربين بالذكاء الاصطناعي عشان ياخدوا حسنات طول عمرهم.

كما هاجم الفنان عمرو مصطفى الفنان رامي صبري مؤكدًا أنه قام بسرقة ألحانه، قائلا: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي نجحت عشان هي بتاعتي.

وتابع: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.

ووجه حديثه لرامي صبري قائلًا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.