أنت سبب أنه يخونك.. وفاء عامر تتنقد أنفصال الزوجة بسبب خيانة زوجها

كشفت الفنانة وفاء عامر، عن آرائها بالنسبة لخيانة الرجل للمرأة، مشيرا أن المشكلة دائما تكون في الزوجة.

وقالت وفاء عامر خلال لقائها ببرنامج «الستات ما يعرفوش يكدبوا»:«لو جوزك خانك إنتي اللي غلطانة معرفتيش تختاري راجل يحافظ عليكي، غلطانة إنك معرفتيش تختاري أب لأولادك».

وأضافت وفاء: «وتبقى غلطانة عشان لو اتطلقتي البيت كله هيتهد، وهيبقى في أولاد مشردين ومعقدين، إنتي اللي غلطانة من الأول إنك سبتيه يخرج منك وإنتي غلطانة إنك مش عارفة تفاصيله».

وتابعت الفنانة: «الغلطة بتبقى من الست، لما الراجل بيبص برا ليه؟ هو ناقصة إيه جوه؟».

وفاة عامر ومنة فضالي

كشفت الفنانة وفاء عامر على حقيقة وجود خلاف بينها وبين الفنانة منة فضالي، حيث تم استعبدتها من أحد المسلسلات.

قالت وفاء عامر: محدش يقدر يستبعدني غير ربنا سبحانه وتعالى والشغل رزق، وحتى لو فيه وقيعة وأنا زعلانة معاكي هل من الشرف إني أستبعدك، يعني لو الكلام ده عليا أنا فهل ده من الشرف والأمانة والدين، بالعكس المفروض ما استبعدش حد وأساعده ياكل عيش.

وأضافت وفاء عامر: ربنا يزيدها ويكرمها ومش تستبعدني بس لأ تستبعد كل الزملاء، ولو هي استبعدتني فشكرا ليها، وأنا أشدت بها في مسلسل جعفر العمدة وكتبت أنها عاملة خطوة مهمة مع محمد سامي ومش هغير رأيي، وأحسن حاجة يكون الواحد قادر يكون عارف قيمة نفسه وعارف إنه ما ينفعش يكون له بديل، ومنة أكيد لو قالت كده فمش قصدها ومش عاوزة أظلم حد، لأننا اتعلمنا نحترم بعض.