راحت عليها نومة وجبتها بالإسدال.. مدرس يروي موقف مؤثر مع طالبة ثانوية عامة في لجنة امتحان الجيولوجيا

روى أحد المدرسين موقف مؤثرًا لطالبة في الصف الثالث الثانوي، قبل امتحان الجيولوجيا عبر صفحتها على موقع التواصل الاجتماعي «فيس بوك». وقال في منشور له: «النهارده الساعه جت 9 وربع وانا بمر علي اللجان فوجئت ان في بنت ماجاتش امتحان الجيولوجيا وانا عارف ان هي بتحضر سالت علي رقمها طبعا محدش معاه موبيل واللجنه بتاعتي في بلد ريفي يعني عائلات سالت هي بنت مين». وتابع: «وخرجت جري ومعايه احد العمال عشان يدلني علي بيتها الساعه كانت 9وتلت بخبط جامد ع الباب البيت كله كان نايم بما فيهم البنت حاله من الصويت والانهيار طلبت من البنت بسرعه تلبس اسدال وطلبت من العامل يجيب ادواتها واخدتها علي اللجنه في تمام التاسعه والنصف الا ثلاث دقائق والحمدلله حضرت الامتحان».

واستكمل: «رحلتي مع الثانويه العامه كلها اثاره ولكن كنت مبسوووط اوووي والبنت لحقت الامتحان يوم مثير اللهم احعلنا سببا في مساعده الغير واسترها معانا جميعا يارب».