عمرو مصطفى يوجه رسالة نارية تامر عاشور: كنت واقف قدامي زي التلميذ وفي الآخر تسرقني

رد الفنان عمرو مصطفى، على هجوم المطرب تامر عاشور عليه، قائلًا: "يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان".

وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".

عمرو مصطفى يوجه رسالة نارية تامر عاشور واكمل: "مش هعتب عليك يا تامر عاشور إنك أخدت الأغنية بتاعتي، بس أنت مثل من الأمثلة اللي استباحت الجمل اللحنية لأشخاص موجودة وحية وعايشة ومش هرد عليك أكتر من كدا".

ولفت: "قابلت تامر عاشور قبل كدا وقلت له لما تحب تقول حاجة تعالَ قلها لي وكان ساعتها واقف زي التلميذ ما بيردش، ولما قال عليَّ عمود من أعمدة الصناعة كان المفترض يستأذني قبل لما ياخد أغنيتي وخدها واستبحاها ونشرها على يوتيوب من غير حد ما يستأذني ولا يكتب اسمي".